FIFA Dünýä çempionaty her iki ýyldan bir gezek geçirmek pikirini öwrenýär

FIFA Dünýä çempionaty her iki ýyldan bir gezek geçirmek pikirini öwrenýär

FIFA-nyň prezidenti Janni Infantino Halkara Futbol Federasiýasynyň (FIFA) Dünýä çempionatyny her iki ýyldan bir gezek geçirmek boýunça ähli garaýyşlary gözden geçirjekdigini mälim etdi. Bu barada rsport.ria.ru habar berdi.

Maý aýynda FIFA-nyň erkekler we aýallar toparlary üçin Dünýä çempionatlaryny her iki ýyldan bir gezek geçirmek mümkinçiligini öwrenjekdigi habar berildi. Häzirki wagtda Dünýä çempionaty her dört ýyldan bir gezek geçirilýär. Infantino 30-njy sentýabrda guramanyň halkara senenamasyndaky ilkinji onlaýn sammitinde futbolyň ösmegi üçin esasy ýaryşlaryň arasyndaky wagty gysgaltmagyň zerurdygyny aýtdy.

Sentýabr aýynyň başynda bolsa Ýewropanyň Futbol Assosiasiýalarynyň Bileleşiginiň (UEFA) başlygy Aleksandr Çeferin Dünýä çempionatyny her iki ýyldan bir gezek geçirmegiň ýaryşyň abraýyny gowşatjakdygyny aýdypdy.