Toyota Corolla 24 sagatlyk ýaryşa gatnaşan ilkinji wodorod awtoulagy boldy

  • 28.05.2021 17:12
  • 13k+

Toyota kompaniýasy Super Taikyu seriýasyna degişli bolan wodorod bilen işleýän Corolla Sport-y tanyşdyrdy. 24 sagatlyk ýaryşda ilkinji gezek ýöne bir elektrik öndürmek üçin wodorod ýangyç öýjüklerini ulanman, eýsem, tutuşlygyna wodorodda işleýän awtoulag gatnaşdy. Bu barada Nikkei habar berdi.

Awtoulag öz benzinde ýöreýän bäsdeşlerinden has ýygy-ýygydan ýangyç almaly boldy. 24 sagat dowam eden ýaryşda beýleki bäsdeşler, takmynan, 20 gezek ýangyç guýan bolsa, Toyota 35 gezek ýangyç aldy.
Corolla-da Fukuşima wodorod energiýa gözleg merkezinde öndürilen 1,6 litrlik, üç silindrli, gysylan wodorodda işleýän modifisirlenen hereketlendiriji ulanyldy.
Wodorodly hereketlendirijileriň esasy kemçiliklerinden biri, onda gazyň ýanyş tizliginiň ýokary bolmagydyr. Munuň özi hereketlendirijiniň işleýşine gözegçilik etmegi kynlaşdyrýar we ýangyç guýujy enjamlary ulaltmagy talap edýär.
Toyota geljekde tehnologiýany kämilleşdirmek we kemçilikleri düzetmek üçin ýaryşlara wodorod awtoulaglarynda gatnaşmak isleýär. Ol wodorod hereketlendirijilerini elektrik hereketlendirijilerine mynasyp bäsdeş etmek isleýär diýip, çeşme belleýär.


10.07.2025 23:37
6.8k+

Lexus Toyota-nyň ýolbaşçysynyň hormatyna atlandyrylan krossowerini diňe lotereýa esasynda berýär

Lexus Ýaponiýada LBX Morizo RR Original Edition krossoweriniň çäkli nusgasyny çykarar, onuň bary-ýogy 100 sanysy bolar. Olary diňe lotereýanyň ýeňijileri satyn alyp biler, lotereýa gatnaşmak üçin sargytlar dilerlik merkezlerinde kabul ediler diýip, Ýaponiýanyň habar beriş serişdeleri habar berýär...

09.07.2025 14:00
10k+

Toyota düýbünden täze benzin hereketlendirijilerini hödürledi: öňküden ýeňil hem kuwwatly

Toyota zyňyndylary azaltmaklyga we kuwwatyny ýitirmezden, ýangyç tygşytlylygyny ýokarlandyrmaklyga gönükdirilip döredilen benzin hereketlendirijileriniň täze maşgalasyny hödürledi. Bu işläp taýýarlama entek doly elektrikli ulaglara geçmäge taýyn bolmadyk sürüjilere niýetlenendir...

06.07.2025 20:08
9.4k+

Täzelenen Toyota HiLux ilkinji gezek rozetkadan zarýad alýan görnüşde we 8 basgançakly karobka bilen çykar

Toyota kompaniýasy HiLux pikabynyň täze plagin gibrid (PHEV) wersiýasyny taýýarlaýar. Ýapon çeşmeleriň ýazmagyna görä, bu modeliň elektrikleşdirilmegine gönükdirilen ilkinji ädim bolar we Ford Ranger PHEV hem-de BYD Shark 6 ýaly bäsdeşlere gönüden-göni jogap hökmünde çykarylar...

04.07.2025 11:54
6.5k+

Toyota benzinli Grand Highlander-i çykarmak üçin elektromobilleriniň önümçiligini gijikdirýär

Toyota benzin bilen işleýän meşhur Grand Highlander ulagynyň önümçiligini artdyrmak üçin ABŞ-da elektrik ulaglarynyň öndürilişini gijikdirýär diýip, Bloomberg habar berýär. Ýapon awtoulag öndürijisi Jorjtaun zawodynda (Kentukki ştaty) täze elektrikli wnedorožnigiň önümçiligine badalga bermegiň möhletini 2026-njy ýyldan 2028-nji ýyla geçirdi...