2020-nji ýylda daşary ýurtlularyň Beýik Britaniýa sapary 73% pese gaçdy

  • 27.05.2021 13:26
  • 5k+

COVID-19 pandemiýasy sebäpli hereket edýän çäklendirmeleriň netijesinde 2020-nji ýylda daşary ýurt raýatlarynyň Beýik Britaniýa eden saparlarynyň sany 73% - 11,1 milliona çenli azaldy. Muny ýurduň Milli statistika edarasynyň (ONS) maglumatlary delillendirýär diýip, kapital.kz habar berýär.

Geçen ýyl Beýik Britaniýada daşary ýurt raýatlarynyň çykdajylary ondan öňki ýyl bilen deňeşdirilende, 78% az, ýagny 6,2 mlrd funt sterling (8,8 mlrd dollar) boldy.
Iş saparlarynyň sany, şeýle-de dostlaryňy we garyndaşlaryňy görmäge barmaklyk 72% - degişlilikde 2,5 milliona we 3,4 milliona çenli azaldy.
Britaniýalylar 2020-nji ýylda daşary ýurtlara 23,8 mln sapary amala aşyrdylar, bu ondan öňki ýyla garanda 74% azdyr. Daşary ýurtlarda britaniýalylaryň çykdajylary 2019-njy ýyldaky derejesinden 78% pes bolup, 13,8 mlrd funta deň boldy.
Beýik Britaniýanyň syýahatçylyk pudagy sanjym işiniň çalt ösüşi we karantin çäklendirmeleriniň kem-kemden ýatyrylmagy netijesinde, şu ýyl dikeldişe garaşýar diýip, “Financial Times” gazeti ýazýar.

düýn 14:30
11k+

Tehasdaky suw joşmasynyň ýetiren zyýanlary kosmosdan görkezildi

Maxar Technologies kompaniýasy ABŞ-nyň Tehas ştatyndaky güýçli suw joşmasynyň netijelerine degişli düşüren hemra suratlaryny çap etdi. Suratlar uzak wagtlap ýagan ýagyş sebäpli suwuň derejesiniň birden ýokarlanmagy bilen bagly Gwadelupe derýasynyň uzaboýundaky ýerleriň üýtgändigini görkezýär...

10.07.2025 11:35
4.6k+

ESA kosmosdan Ortaýer deňziniň näderejede gyzýandygyny görkezdi

Ýewropadaky aşa yssy howa hatda kosmosdan hem aýdyň görünýär. Ýewropa kosmos agentligi (ESA) Ortaýer deňzi sebitindäki gury ýerleriň we suwuň üstki temperaturasynyň ýokarlanýandygyny görkezýän emeli hemra suratyny çap etdi...

08.07.2025 20:12
7k+

Indoneziýadaky Lewotobi Laki Laki wulkany 18 km beýiklikde kül zyňdy

Indoneziýanyň Flores adasynda Lewotobi Laki Laki wulkanynyň güýçli atylmasy bolup geçdi. Asmana 18 km beýiklikdäki kül sütüni göterildi diýip, ýerli häkimiýetlere salgylanyp, CNA habar berýär. Indoneziýanyň wulkanologiýa agentliginiň maglumatlaryna görä, wulkan gaty sesli partlamalar bilen atyldy...

08.07.2025 10:25
4.5k+

Dünýäde CO₂ zyňyndylary rekord derejede 40,8 milliard tonna ýetdi

Geçen ýyl dünýäde kömürturşy gazynyň zyňyndylary CO₂ ekwiwalentinde 40,8 milliard tonna ýetdi. Bu barada Energetika instituty (EI) tarapyndan neşir edilen “2025-nji ýylda dünýä energetikasynyň san maglumatyna syn” atly täze hasabatda aýdylýar...