Samsung 2021-nji ýylyň birinji çärýeginde 77 milliondan gowrak smartfon satdy

  • 24.04.2021 11:48
  • 5.4k+

Samsung kompaniýasy 2021-nji ýylda dünýäniň iň meşhur smartfon öndürijisi boldy. Strategy Analitics kompaniýasynyň hünärmenleri bu mowzuk boýunça geçirilen derňew işini neşir etmek bilen şeýle netijä geldiler. Bu barada sm.news habar berýär.

Şu ýylyň ilkinji üç aýynda koreý kompaniýasy 77 million gurluşy satyp,  bazaryň 23 göterimini eýelemegi başardy. Ikinji orunda amerikan korporasiýasy Apple ýerleşdi. Ol bu döwürde 57 million iPhone satyp, halkara bazaryň 17 göterimini eýeledi. Üçlügi hytaý brendi Xiaomi jemleýär. Onuň hasabynda alyjylar tarapyndan satyn alnan 49 million gajet bar (15%).
Dördünji we bäşinji orunlarda her biri bazaryň 11%-ini eýelän Oppo (Realme we OnePlus bolmazdan) we Vivo ýerleşdi, olar geçen ýylky netijelerini degişlilikde, 68 we 85% ýokarlandyrdylar. Olaryň üpjünçiligi 23 we 20 million birlige deňdir.
Huawei TOP-5-den çykdy. Kompaniýa “beýlekileriň” sanawyna goşuldy. Birinji çärýekde ol 20 milliondan az smartfon satdy.
Tutuş dünýäde smartfon satuwy ýokarlanýar. Maglumatlar çärýegiň dowamynda dünýäde 340 million smartfonuň ýerlenendigini görkezýär, bu geçen ýylyň degişli döwri bilen deňeşdirilende, 24% köpdür. Şeýlelik bilen, 2015-nji ýyldan bäri täze rekord goýuldy.

düýn 11:00
1.3k+

HP-de 6000 işgär emeli aňyň ornaşdyrylmagy sebäpli işini ýitirer

HP kompaniýasy işleri has netijeli etmek we emeli aňy ornaşdyrmak boýunça meýilnamanyň çäklerinde 2028-nji maliýe ýylyna çenli tutuş dünýä boýunça 4000-den 6000-e çenli iş ornuny azaltmagy meýilleşdirýär. Bu barada kompaniýanyň habarynda aýdylýar...

27.11.2025 23:29
2.1k+

LG Electronics ýolbaşçy düzüminiň üýtgeşmelerini yglan etdi

Günorta Koreýanyň LG Electronics kompaniýasy ýolbaşçy düzüminde uly üýtgeşmeleriň bolandygyny, şol sanda täze baş direktoryň bellenendigini mälim etdi. 1-nji dekabrdan başlap, bu wezipäni häzirki wagtda LG-niň Öý Tehnikasy we Çözgütleri bölümine ýolbaşçylyk edýän hem-de kompaniýanyň maglumatyna görä, amallaryň durnukly ösüşine ýeten Rýu Çže-çhol eýelär...

27.11.2025 23:20
5.2k+

Google-yň egindeş esaslandyryjysy Sergeý Brin dünýäniň iň baý adamlarynyň üçlügine girdi

Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi. Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi...

27.11.2025 23:12
3.2k+

Puma-nyň paýnamalary kompaniýanyň satylyp bilinjekdigi baradaky habardan soň 17% ýokarlandy

Puma-nyň paýnamalary kompaniýanyň Hytaýyň sport aýakgaplaryny, egin-eşikleri we esbaplary öndürijisi Anta Sport tarapyndan satyn alnyp bilinjekdigi baradaky habardan soň ýokarlandy. Mümkin bolan şertnama baradaky maglumat 27-nji noýabrda Frankfurt-na-Maýndaky XETRA biržasynda paýnamalaryň 17,4% ýokarlanyp, iň ýokary derejesinde 19,965 ýewro ýetmegine getirdi...