Dünýäde iň uly aýsberg hökmünde belli bolan A68 aýsbergi eredi. Ol uly bolmadyk birnäçe böleklere bölündi diýip, pcnews.ru habar berdi.
2017-nji ýylda Antarktikadan bölünip aýrylanda A68 aýsberginiň tutýan meýdany 6 müň inedördül kilometre golaýdy. Munuň özi kiçeňräk bir ýurduň tutýan meýdanyna barabar hasaplanýar. Aýsbergiň ululygy 175-den 50 kilometre çenli bolup, agramy bolsa bir trillion tonna deňdir.
Indi emeli hemralar bu aýsbergiň bütinleý diýen ýaly gözden ýitendigini, onuň hatda yzarlanyňa-da degmeýän köp sanly ownuk-uşak böleklere bölünendigini görkezýär. Aýsbergiň tolkunlar, ýyly suw we Atlantikada howanyň has ýokary temperaturasy sebäpli erändigi bellenilýär. Aslynda bolsa, alymlar A68-iň şeýle uzak saklanmagynyň özüne geň galýarlar.
A68-iň sosial medianyň ýyldyzy bolan ilkinji aýsberg hökmünde ýatda galmagy ähtimal diýip, "BBC" belleýär. Sebäbi häzire çenli adamlar onuň hemradan alnan suratlaryny ýygy-ýygydan paýlaşýardylar.
