1961-nji ýylyň 12-nji aprelinde sowet kosmonawty Ýuriý Gagarin kosmosa we Ýeriň orbitasyna üstünlikli çykan ilkinji adam bolupdy. Ýakynda Amerikanyň “Popular Mechanics” žurnaly Gagariniň mundan başga ýene bir rekord goýandygyny mälim etdi. Bu barada cursorinfo.co.il habar berdi.
Soňky rekord boýunça Gagarin gipersoniki (giperses) tizlikde uçan ilkinji adam boldy. Ýokary tizlige ýetmek üçin obýekt ses tizliginden ýa-da 1 Max-dan ýokary tizlige ýetmeli. Sesiň tizligi, sesiň ýa-da jisimiň hereket edýän howasynyň düzümine we temperaturasyna baglylykda üýtgäp biler. Mysal üçin, Ýeriň atmosferasynda howa has ýuka we sowuk bolansoň, bu päsgelçiligi böwsüp geçmek üçin tizligiň talaplary deňiz derejesiniňkiden has pesdir.
Neşir Gagarinli “Vostok-1” kosmos gämisiniň tizliginiň Ýere gaýdyp gelende 5 Max-dan geçendigini belleýär.
"Popular Mechanics"-iň pikiriçe, gipersoniki tizlikde uçan ikinji adam - kosmosa çykan ilkinji amerikaly kosmonawt Alan Şepard boldy. Gaýdyp gelýärkä, Ýeriň atmosferasyna girende, onuň kapsulasynyň tizligi 5 Max-dan geçdi.
Adamyň kosmosa iň çalt syýahat etmegi boýunça rekord bolsa 1969-njy ýylda ses tizliginden 30 esse ýokary tizlige ýeten “Apollon 10”-yň ekipažyna degişlidir.