Žoze Mourinýu «Tottenhemiň» tälimçisi wezipesinden gitdi

Žoze Mourinýu «Tottenhemiň» tälimçisi wezipesinden gitdi

«Tottenhem Hotspur» resmi saýtynda Žoze Mourinýunyň toparyň baş tälimçisi wezipesinden aýrylandygyny habar berdi. Halypa bilen bilelikde onuň kömekçileri hem klubdan gitdi diýip, sportmail.ru belleýär.

Soňky bäş oýunda «Tottenhem» diňe bir gezek ýeňiş gazandy, iki gezek ýeňildi we iki gezek hem deňme-deň oýnady. Möwsümiň ahyryna çenli alty tapgyrda london kluby ýewrokubok zonasyndan 4 utuk yza galyp, Angliýanyň Premýer ligasynyň turnir sanawynda ýedinji orny eýeleýär.
Mourinýu 2019-njy ýylyň güýzünde «Tottenheme» ýolbaşçylyk edip başlady, ol bu wezipede möwsümiň şowsuz başlamagy sebäpli işden aýrylan Maurisio Poçettinonyň ornuny çalşyrdy. Portugaliýaly hünärmeniň ýolbaşçylygynda topar Angliýanyň çempionatynda altynjy orny eýeledi we Ýewropa ligasyna çykdy, ýaňy-ýakynda 1/8 finala çykyp, «Dinamo Zagrebden» ýeňildi.
«Tottenhemden» öň Mourinýu «Mançester Ýunaýtedde», «Çelside», «Realda», «Interde» we «Portuda» işledi.