UEFA indiki möwsümden ýewrokuboklarda myhmançylykdaky gollaryň düzgünine üýtgeşme girizmek isleýär diýip, “The Sun” neşiri habar berýär. Muny sport-express.ru ýetirýär.
KHBS-iň maglumatlary boýunça, UEFA-nyň ýaryşlar boýunça komitetiniň mejlisinde myhmançylykdaky gollarynyň diňe oýnuň esasy wagtynda artykmaçlyga eýe boljakdygyny görkezýän düzgün ylalaşylar.
Häzir pleý-off raundlarynda eger iki oýnuň jemi boýunça umumy netije deň bolsa, onda “myhmançylykda”, ýagny garşydaşynyň meýdançasynda köp gol salan topar ýeňiş gazanýar. Indi myhman gollaryny iki futbol duşuşygynyň diňe esasy wagtynda hasaba almak göz öňünde tutulýar. Eger geçen iki oýnuň jemi boýunça islendik goşmaça wagt bellenilse, myhmançylykda oýnaýan topar myhman golunyň artykmaçlygyna eýe bolmaz.
Üýtgeşmeler ylalaşylan ýagdaýynda, eger goşmaça wagtda toparlaryň ikisi hem deň mukdarda gol geçirse, ýeňijini kesgitlemek üçin penalti belleniler.
Ýatlap geçsek, myhman golunyň artykmaçlyga eýe düzgüni 1965/66-möwsüminde girizildi.
