Çempionlar ligasynyň çärýek finalynyň jogap duşuşygynda Madridiň "Realy" "Enfilde" "Liwerpul" bilen duşuşdy.
"Liwerpulyň" futbolçylary birinji ýarymda köp hüjüm etseler hem, dört sany howply mümkinçiligi peýdasyna ulanyp bilmediler. "Realdan" Tibo Kurtua diýseň ygtybarly oýnady. Duşuşyk golsuz deňme-deňlikde tamamlandy. Bu klublaryň arasyndaky ilkinji duşuşyk 3:1 hasapda "Realyň" peýdasyna tamamlandy.
Ugurdaş duşuşykda "Mançester Siti" Dortmundyň "Borussiýasyny" 2-1 hasabynda ýeňdi.
Dortmundyň "Borussiýasy" 15-nji minutda birinji bolup hasaby açdy, ýöne Riýad Mareziň (pen.) hem-de Fil Fodeniň ikinji ýarymda geçiren gollary oýny düýpgöter üýtgetdi. Şol hasap Mançesterdäki ilkinji oýunda-da hasaba alnypdy.
Şeýlelik bilen, 2020-2021 möwsümiň UEFA Çempionlar ligasynyň ýarym finalynyň iki jübüti hem kesgitlenildi. "Real" "Çelsi" bilen, "Mançester Siti" bolsa "Pari Sen Žermen" bilen oýnar. Bu tapgyryň ilkinji oýunlary 27-nji we 28-nji aprelde, jogap oýunlary bolsa 4-nji we 5-nji maýda geçiriler.
