Tokio Olimpiýa oýunlaryna ýaryşlaryň geçirilmegi üçin juda möhüm bolanlardan başga ýagdaýlarda daşary ýurtly meýletinçileri çagyrmagy meýilleşdirilmeýär. Bu barada "Reuters" agentligine salgylanyp, Sputnik gullugy habar berýär.
Oýunlaryň guramaçylyk komitetiniň ýerine ýetiriji direktory Toşiro Muto şeýle çäreleriň girizilendigine gynanýandygyny, ýöne daşary ýurtly meýletinçileri umytlandyrmazlyk üçin bu çäreleriň hut häzir kabul edilmelidigini belleýär. Şeýle hem, ol belli bir sport ugurlary boýunça ýöriteleşdirilen we hünärmenlik sowady bolan meýletinçiler üçin kadadan çykmalaryň boljakdygyny, olara aýratyn habarlaryň iberiljekdigini hem sözüniň üstüne goşdy.
Ondan öň, Tokiodaky Olimpiýa oýunlarynyň guramaçylyk komiteti COVID-19 pandemiýasy sebäpli şu tomus meýilleşdirilýän oýunlary daşary ýurtly tomaşaçylarsyz geçirmek kararyna gelendigini resmi taýdan yglan etdi. Ýaponiýanyň paýtagtyndaky Olimpiýa oýunlary 23-nji iýuldan 8-nji awgust aralygynda geçiriler.