Tokiodaky Olimpiada daşary ýurtly janköýerler gatnaşmaz

Tokiodaky Olimpiada daşary ýurtly janköýerler gatnaşmaz

Koronawirus pandemiýasy sebäpli şu ýyl Tokioda geçiriljek tomusky Olimpiýa we Paralimpiýa oýunlary daşary ýurtly janköýerler gatnaşmazdan geçiriler diýip, guramaçylyk komiteti Halkara Olimpiýa we paralimpiýa komitetleriniň ýolbaşçylary bilen onlaýn duşuşykdan soň yglan etdi. Bu barada Regnum habarlar agentligi habar berýär.

“Bu karar, ilkinji nobatda, pandemiýa döwründe howpsuzlygy üpjün etmek zerurlygy bilen baglanyşykly” – diýip, Oýunlaryň geçirilmegine jogapkär Ýaponiýanyň Olimpiada we gender deňligi işleri boýunça ministri Tamaýo Marukawa aýtdy. 

Ol sport meýdançalarynda ýapon tomaşaçylarynyň gatnaşmagyna çäklendirmeleriň bolup-bolmazlygy barada kararyň aprel aýynda kabul ediljekdigini sözüniň üstüne goşdy. 
Marukawa Tokiodaky Olimpiadany guraýjylaryň janköýerleriň petek satyn almak üçin sarp eden pullarynyň öwezini doljakdygyny belledi. Daşary ýurtlarda, takmynan, 1 mln petek satyldy diýlip hasaplanylýar. Ýaponlara bolsa ýaryşlar üçin 4,5 mln töweregi petek satyldy.
Ýatlap geçsek, pandemiýa sebäpli Oýunlar yza süýşürildi we indi ony 2021-nji ýylyň 23-nji iýulyndan 8-nji awgust aralygynda geçirmek meýilleşdirilýär. Olimpiadanyň “Tokio-2020” ady saklanyp galdy.