MMA-nyň amerikaly söweşijisi Toni Fergýuson 2021-nji ýylyň 15-nji maýynda oktagona gaýdyp geler. Ol UFC 262 turnirinde amerikaly Beneil Dariuş bilen söweşer. Taraplar heniz şertnama gol çekmediler, ýöne dilden ylalaşyk gazanyldy diýip, prostoprosport.ru habar berýär.
Ýatlap geçsek, 37 ýaşly Fergýuson UFC-niň ýeňil diwizion reýtinginde bäşinji belgidedir. MMA-daky karýerasynyň dowamynda ol 25 ýeňiş gazandy we bäş gezek ýeňildi. Geçen ýyl Fergýuson iki gezek ýeňlişe sezewar boldy. Maý aýynda ol UFC 249 turnirinde Jastin Getjiden, dekabr aýynda UFC 256 turnirinde amerikaly Çarlz Oliweýradan ýeňildi.
ABŞ-dan 31 ýaşly söweşiji Dariuşyň hasabynda 20 ýeňiş we dört ýeňliş bar. Soňky gezek Dariuş şu ýylyň fewral aýynda UFC Fight Night 184 turnirinde Diego Ferreýra bilen duşuşdy.
