58 ýaşly ispan hukukçysy we katalon “Barselonasynyň” öňki prezidenti Žoan Laporta ýene-de bu wezipä saýlandy.
Ýatlap geçsek, Wiktor Font we Toni Freýşa hem klubuň prezidentligine dalaşgär hökmünde tassyklandy. Emili Russo bilen Augusti Benedito bolsa dalaşgärligini saýlawlardan aýyrdylar.
Sesleriň 99,9%-den gowragy sanalandan soň, Laporta 57,6% ses bilen liderlik edýär. Wiktor Font sesleriň 31,8 göterimini, Toni Freýşa 9,1 göterimini aldy diýip, kommersant.ru “Reuters” agentligine salgylanmak bilen habar berýär. Laportanyň garşydaşlary ony ýeňşi bilen eýýäm gutladylar.
Ilkibaşda saýlawlar 24-nji ýanwara meýilleşdirilipdi. Kataloniýanyň häkimiýetleri epidemiologiki ýagdaýyň saýlawçylaryň häkimlikleriň arasynda erkin hereket etmegine ýol bermeýändigini aýtdy.
Laportanyň ilkinji prezidentlik döwründe Kataloniýa kluby dört gezek Ispaniýanyň çempiony boldy, ýurduň Kubogyny utdy, üç gezek Ispaniýanyň Super kubogyny aldy, iki gezek Çempionlar ligasynda ýeňiş gazandy, UEFA-nyň Super kubogyny we Klublaýyn dünýä çempionatyny utdy.
