“Sony” rekord derejede uly kamera modulyny çykarar

“Sony” rekord derejede uly kamera modulyny çykarar

Internet ulgamynda ýakyn wagtda Ýaponiýanyň “Sony” kompaniýasynyň smartfonlar üçin täze kamera modulyny görkezjekdigi barada maglumatlar peýda boldy. Täze kamera modulynyň tapawutly aýratynlygy onuň rekord derejede uly boljak sensorynyň ölçegi bolar diýip, 06news.ru habar berdi.

Şeýlelik bilen, RODENT950 meşhur internet insaýderiniň bellemegine görä, modula IMX800 diýlip at berler we onuň ululygy 1 dýuým (2,54 sm) diýip, Gizmochina ýazýar. Şol bir wagtyň özünde, onuň 2021-nji ýylyň aprelinde tanyşdyrylmagyna garaşylýar we onuň bilen enjamlaşdyrylan ilkinji smartfon Huawei P50 bolmaly.
Gynansagam, “Sony”-niň täze önümi barada entek şu aýdylanlardan başga kän bir maglumat ýok. Mysal üçin, IMX800-iň nämä ukyply boljakdygy, aýratynlygy belli däl. Ýöne onuň ululygynyň özi, iň bolmanda gijeki režimde oňa taý tapylmajakdygyndan habar berýär.