Kriştianu Ronaldu XXI asyrda müňden gowrak oýna gatnaşan ýeke-täk oýunçy boldy

Kriştianu Ronaldu XXI asyrda müňden gowrak oýna gatnaşan ýeke-täk oýunçy boldy

Turiniň “Ýuwentusynyň” hüjümçisi Kriştianu Ronaldu özboluşly rekord goýdy diýip, Futbol taryhynyň we statistikasynyň halkara federasiýasy (IFFHS) habar berdi. Muny prostoprosport.ru belleýär.

36 ýaşly portugaliýaly oýunçy XXI asyrda müň oýun belligini ýeňip geçmegi başaran ýeke-täk oýunçy boldy. Häzirki wagtda hüjümçiniň hasabynda 1047 oýun bar.
Bu görkeziji boýunça ikinji ýerde 2020-nji ýylyň awgustynda karýerasyny tamamlan Madridiň “Realynyň” ozalky derwezebany Iker Kasilýas ýerleşdi. Onuň hasabynda 974 oýun bar.
Üçlügi “Barselona”, “Ýuwentus” we “PSŽ” üçin çykyş eden “San-Paulunyň” braziliýaly goragçysy Dani Alwes jemledi. Onuň hasabynda 969 oýun bar. Dördünji orunda “Barselonanyň” ozalky ýarym goragçysy Hawi ýerleşdi – 937 oýun. Bäşinji orun ýaponiýaly Ýasuhito Endo degişli boldy – 909 oýun. Altynjy orny “Milanyň” hüjümçisi Zlatan Ibragimowiç eýeleýär – 907 oýun. Ýedinji orunda braziliýaly Rožerio Seni gelýär – 904.
“Barselonanyň” kapitany we hüjümçisi Lionel Messi sekizinji orunda ýerleşdi. 33 ýaşly argentinaly oýunçynyň hasabynda 902 oýun bar. Soňky orunlary “Çelsiniň” ozalky derwezebany Petr Çeh – 889 bilen Janluiji Buffon – 852 eýeledi.