Maý aýynda Angliýanyň premýer-ligasynyň möwsümdäki jemleýji tapgyrynda 10 müňe golaý janköýer stadionlara girip biler. Bu barada rusfootball.info habar berdi.
Angliýanyň hökümeti 17-nji maýy koronawirus pandemiýasy sebäpli girizilen çäklendirmeleri aýyrmagyň üçünji tapgyrynyň durmuşa geçirilip başlanjak ilkinji güni diýip yglan etdi. Premýer-liganyň häzirki dowam edýän möwsümi 23-nji maýda tamamlanar. Diýmek, şol gün tomaşaçylar münberlere dolanyp bilerler.
40 müňden gowrak janköýer kabul edip bilýän stadionlaryň 10 müňe çenli tomaşaçy kabul edip biljekdigi bellendi. Has kiçi meýdançalaryň dörtden bir bölegi doldurylar.