19-njy fewralda UEFA-nyň metbugat gullugy Çempionlar ligasynda hepdäniň iň gowy oýunçysyny saýlamak boýunça ses berişligiň netijelerini neşir etdi. Bu barada championat.com habar berýär.
Şeýlelikde, hepdäniň iň gowy oýunçysy 1/8 finalyň “Barselona” bilen birinji oýnunda üç pökgini derwezä girizip, fransuzlara uly ýeňiş gazanmaga (4-1) kömek eden “PSŽ-niň” oýunçysy Kilian Mbappe boldy.
22 ýaşly hüjümçi Dortmundyň “Borussiýasynyň” hüjümçisi Erling Holanddan, “Liwerpulyň” hüjümçisi Mohamed Salahdan we “Portunyň” ýarym goragçysy Seržiu Oliweýradan öňe geçdi.
Ýatlap geçsek, Holand Ispaniýanyň “Sewilýasy” bilen myhman duşuşygynda iki gol geçirdi (3-2), Salah “Leýpsig” bilen oýunda bir gol geçirdi (2-0), Oliweýra bolsa 54% takyk geçirim edip, Turiniň “Ýuwentusyny” (2-1) ýeňmäge kömek etdi.
