Garyşyk başa-baş göreşiň (MMA) amerikaly söweşijisi Dastin Porýe UFC 257 turniriniň çäginde irlandiýaly Konor Makgregordan üstün çykdy.
Ýeňil agramdaky türgenleriň söweşi Abu-Dabiniň “Söweş adasyndaky” sport şüweleňiniň esasy wakasy boldy. Emin Porýeniň tehniki nokaut bilen ýeňşini hasaba alyp, ikinji raundda söweşi saklady.
32 ýaşly amerikaly söweşijiniň hasabynda indi 27 ýeňşi, alty ýeňlişi we bir netijesiz söweşi bar. 32 ýaşly Makgregoryň hasabynda 22 ýeňiş bilen bäş ýeňliş bar.
Makgregor bilen Porýeniň söweşi rewanşdy. 2014-nji ýylyň sentýabrynda olar Las-Wegasda UFC 178 turnirinde duşuşdylar. Şonda Makgregor garşydaşyny başlangyç raundyň ikinji minudynda nokauta gidirdi.
UFC 257 turniriniň esasy wakalarynyň ýene biri täze zelandiýaly Den Huker bilen amerikaly Maýkl Çendleriň söweşi boldy. ABŞ-nyň wekili garşydaşyny söweşiň üçünji minudynda nokauta gidirdi.