Planet Computers Astro Slide 5G-ni resmi taýdan hödürledi. Bu dünýäde fiziki QWERTY klawiaturaly ilkinji 5G-smartfondyr. Bu barada ferra.ru habar berýär.
Astro Slide 5G bäşinji nesil toruny göterýän MediaTek Dimensity 800 prosessory bilen üpjün edilen. Täze smartfon slaýderdir. Smartfon ýygnalan ýagdaýynda klawiatura ekranyň aşagynda durýar, ýöne ony bir gyra çekip bolýar. Açylan ýagdaýynda gurluşyň displeýi bir burçda ýerleşýär, şonuň üçin adama smartfony albom görnüşinde ulanmak amatly bolýar.
Astro Slide 5G-niň AMOLED-ekranynyň diagonaly 6,39 dýuýma deň, onuň durulygy – FHD+. Smartfon 8 GB operatiw we 128 GB içki fleş-ýada eýe. MicroSD karty üçin ýeri hem bar. Gurluş 10 Watt kuwwatly çalt simli zarýadlanmany göterýär.
Smartfon şu ýylyň mart aýynda satuwa çykmalydy, ýöne indi smartfony işläp düzüjileri goldan ulanyjylaryň gurluşy iýun aýynda alyp biljekdigi, erkin satuwyň şu ýylyň sentýabr aýynda başlajakdygy belli boldy.
