Şweýsariýanyň Sýurih şäherinde klublaýyn dünýä çempionatynyň bijeleri çekildi. Çempionlar ligasynyň soňky möwsüminiň ýeňijisi hökmünde "Bawariýa" ýaryşa ýarym finaldan başlar we ilkinji oýny "Al-Duhail" - "Al-Ahli" jübütiniň ýeňijisi bilen oýnar. Bu barada metaratings.ru habar berdi.
"Bawariýadan" başga-da, Libertadores kubogynyň ýeňijisi hem ýaryşa ýarym finaldan başlar. Libertadoresiň finalynda "Palmeiras" bilen "Santos" duşuşar. Kubogyň eýesi klublaýyn dünýä çempionatynda "Tigres" - "Ulsan" jübütiniň ýeňijisi bilen oýnar.
Ýaryşyň 1/4 final oýunlary:
1-nji oýun: "Al-Duhail" (Katar) - "Al-Ahli" (Müsür) (4-nji fewral)
2-nji oýun: "Tigres" (Meksika) - "Ulsan" (Koreýa) (4-nji fewral)
Ýarym finalda duşuşjak toparlar:
"Bawariýa" (Germaniýa) bilen 1-nji oýnuň ýeňijisi (8-nji fewral)
“Palmeiras” (Braziliýa) / “Santos” (Braziliýa) bilen 2-nji oýnuň ýeňijisi (2-nji fewral)
Klublaýyn dünýä çempionaty 4-11-nji fewral aralygynda Katarda geçiriler. Bäsleşige alty kontinental konfederasiýanyň hersinden iň güýçli klublar we ýaryşy kabul edýän ýurduň iň gowy kluby gatnaşýar. Ýaryşyň häzirki ýeňijisi - "Liwerpul".