Ispaniýanyň “Barselona” toparynyň argentinaly hüjümçisi Lionel Messi Futbol taryhynyň we statistikasynyň halkara federasiýasy (IFFHS) tarapyndan onýyllygyň iň gowy pleýmeýkeri diýlip saýlandy. Bu barada guramanyň metbugat gullugy habar berdi.
Ses berlişik guramanyň 2011-2020-nji ýyllar aralygyndaky ýyllyk bahalarynyň netijelerine esaslanyp geçirildi. Messi 2015, 2016, 2017 we 2019-njy ýyllarda iň gowy pleýmeýker diýlip saýlandy, şeýle hem 2011, 2014, 2018 we 2020-nji ýyllarda bu görkeziji boýunça ikinji boldy. Argentinaly hüjümçi jemi 174 utuk toplady. Ikinji orny onuň öňki topardaşy Andres Iniesta (2012 we 2013-nji ýyllarda ýeňiji; 127 utuk), üçünji orny Ispaniýanyň "Real" toparynyň ýarymgoragçysy Luka Modriç (2018; 113) eýeledi.
Dördünji orna iňlisleriň “Mançester Siti” (2020; 103) toparynyň belgiýaly oýunçysy Kewin de Bruýn mynasyp boldy, ilkinji bäşligi “Realyň” ýarymgoragçysy Toni Kroos (2014; 90) ýapdy. Şeýle hem ilkinji onluga Eden Hazard (77), Neýmar (71), Mesut Özil (69), Andrea Pirlo (63) we Ýaýa Ture (60) girýär.
