Mýunhenli "Bawariýanyň" futbolçysy Dawid Alaba Madridiň "Realynyň" düzümine goşulmaga ýakyn geldi diýip, Marca salgylanyp, prostoprosport.ru ýetirýär.
Çeşmäniň habaryna görä, 28 ýaşly awstriýaly futbolçy dört ýyllyk şertnama barada ylalaşdy. Şertnamanyň şertine görä, oýunça möwsümde 10 million ýewro tölener.
Ondan öň, "Bawariýa" oýunçyny saklap galmaga synanyşýandyklaryny mälim edipdi, ýöne şertnamany uzaltmak baradaky teklip goragçyny kanagatlandyrmady we ol şu gyş toparyny üýtgetmek kararyna geldi.
Başga bir çeşmeler, "Realyň" Alaba resmi teklip etmändigini, diňe onuň wekiliniň gyzyklanýan klublar bilen resmi däl aragatnaşyk saklaýandygyny ýazýarlar.
Alaba karýerasynyň başyndan bäri mýunhenlileriň düzüminde çykyş edip gelýär. Toparyň düzüminde ol 404 oýun oýnap, 25 kubok, şol sanda iki sany Çempionlar ligasyny gazandy. Dowam edýän möwsümde ol Bundesligada 12 gezek meýdança çykyp, 1 gol geçirdi.
