“Liwerpul” “Tottenhemden” üstün çykyp, APL-de öňdeligi eýeledi

“Liwerpul” “Tottenhemden” üstün çykyp, APL-de öňdeligi eýeledi

Angliýanyň Premýer ligasynyň 13-nji tapgyr duşuşygynda, iki lideriň arasyndaky gapma-garşylykda “Liwerpul” “Tottenhem Hotspury” 2-1 hasabynda ýeňip, turnir sanawynda birinji orny eýeledi. Oýun “Enfild” stadionynda geçirildi.

Duşuşygyň dowamynda Ýurgen Kloppyň oýunçylary işjeň hereket etdi, “Tottenhem” bolsa çalt garşylykly hüjümlere bil baglady. Oýnuň birinji ýarymynda Mohamed Salahyň (26-njy minut) goluna Son Hyn Min (33) jogap berdi. Ýeňiş pökgüsini 90-njy minutda burçdan berlenden soň Roberto Firmino tora girizdi.
Netijede, “Liwerpul” 28 utuk gazanyp, hasabynda 25 utuk bolan “Tottenhemden” öňe geçdi we birinji orny eýeledi.
Toparlar öz aralarynda, şol sanda Çempionlar ligasynyň finalynda jemi 177 gezek duşuşdylar. 85 oýun “Liwerpulyň” ýeňşi bilen, 44-si deňme-deň tamamlandy. “Tottenhemiň” hasabynda 48 ýeňiş bolup, şolaryň 40-syny öz öýünde gazandy. Girizilen gollar boýunça umumy hasap “gyzyllaryň” peýdasyna 278:197 boldy.