Çempionlar ligasynyň toparlarynyň soňky tapgyr duşuşygynda E toparda “Krasnodaryň” oýunçylary Londonyň “Çelsi” kluby bilen deňme-deň oýnadylar. Duşuşyk 1-1 hasabynda tamamlandy. Londonlylar Remi Kabellanyň goluna (24) jerime meýdançasyndan Žoržinonyň (28) takyk urgusy bilen jogap berdiler.
Ispaniýanyň “Sewilýa” futbol kluby ugurdaş topar duşuşygynda fransuzlaryň “Rennini” 3-1 hasabynda ýeňdi. Ýeňijileriň düzüminden Žýul Kunde (32) we Ýussef En-Nesiri (45+2, 81) gol girizdi. “Renn” toparynda Georginio Ratter (86, jer.ur) tapawutlandy.
“Çelsi” (14 utuk) we “Sewilýa” (13) degişlilikde birinji we ikinji orny eýelediler hem-de Çempionlar ligasynyň 1/8 finalyna çykdylar. “Krasnodar” bäş utuk gazandy we toparda üçünji orny eýeläp, Ýewropa ligasynyň pleý-off oýunlaryna petek aldy. “Renn” bir utuk bilen kwartetde iň soňky bolup, ýewropa ýaryşlarynda çykyşyny tamamlady.
Çempionlar ligasynyň 1/8 finalynyň hem-de Ýewropa ligasynyň 1/16 finalynyň bije atyşlygy 14-nji dekabrda Şweýsariýanyň Nýon şäherinde geçiriler.
