UFC ýylyň ahyryna çenli onlarça söweşijisini guramadan çykaryp biler

  • 07.12.2020 09:05
  • 12k+

UFC Vegas 16 turnirinden soň metbugat maslahatynda Absolýut göreş çempionatynyň (UFC) ýolbaşçysy Dana Uaýt türgenleriň birnäçesiniň guramadan çykarylmagyna taýýarlyk görülýändigini habar berdi. Muny MMA Junkie saýtyna salgylanyp, lenta.ru ýetirýär.

Uaýt ýylyň ahyryna çenli promouşeniň 60 söweşijiden dynjakdygyny belledi. Aýratynam, kubaly Ýoel Romero indi UFC-de çykyş etmez. Uaýt onuň ýaşy we soňky netijeleri sebäpli guramadan çykarylandygyny aýtdy.
Guramanyň ýolbaşçysynyň aýtmagyna görä, söweşijileriň sanawy “aşa çişirilen”.

“Bu soňy däl. Ýakyn wagtda siz köp söweşijiniň guramadan çykarylýandygyny görersiňiz” – diýip, Uaýt belleýär.

43 ýaşly Romero UFC-de 2013-nji ýylyň 20-nji aprelinde çykyş edip başlady. Ýedi ýylyň içinde ol 13 gezek söweşdi, dokuz gezek ýeňiş gazandy we dört gezek ýeňildi. Soňky gezek 2020-nji ýylyň 7-nji martynda söweşdi. Ol eminleriň karary bilen guramanyň çempiony Israel Adesanýeden ýeňildi.
UFC promouşeniň birnäçe weteranlary bilen eýýäm hoşlaşdy. Ozalky çempionlar braziliýaly Anderson Silwa we Fabrisiu Werdum guramadan gitdi. UFC-niň sanawynda häzirki wagtda 649 söweşiji hasaba alynýar. Oktýabr aýyndaky ýagdaýa görä, gurama dünýäniň 71 ýurdundan türgenler ýygnandy.

şu gün 18:52
1.3k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

şu gün 10:36
1.6k+

ABŞ-da 2034-nji ýylda Ýutada geçiriljek Gyşky Olimpiýa Oýunlarynyň logotipi görkezildi

2034-nji ýylda Ýutada geçiriljek Gyşky Olimpiýa oýunlarynyň Guramaçylyk komiteti wagtlaýyn logotipi görkezdi. Bu logotip ABŞ-nyň hökümeti ünsüni 2028-nji ýylyň Olimpiýa oýunlaryndan 2034-nji ýylyň Oýunlaryna taýýarlyk görmäge doly gönükdirýänçä, 2029-njy ýyla çenli ulanylar...

şu gün 10:29
2.9k+

Bred Pitt we F1-iň sürüjisi Rassel Mercedes-Benz-iň täze ulagynyň mahabatynda düşdüler

Aktýor Bred Pitt we "Formula 1-iň" sürüjisi Jorj Rassel Mercedes-AMG GT 4-Door awtoulagynyň täze elektrik wersiýasynyň mahabat kampaniýasynda surata düşdüler. Surata düşüriş işleri Las-Wegasda geçirildi, onda Mercedes-Benz geçen hepde üsti örtükli prototipini görkezdi...

düýn 19:46
4.4k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...