UFC-niň ýeňil agramda çempionlyk guşagynyň eýesi Habib Nurmagomedow BBC-niň "Ýylyň daşary ýurtly sportçusy" baýragyna dalaşgär görkezildi. Bu barada kompaniýanyň saýtynda habar berildi.
Baýraga, Habibden başga-da, NBA-nyň iň gymmat oýunçysy diýlip ykrar edilen basketbolçy Lebron Jeýms, PGA-nyň reýtinginde birinji ýeri eýeleýän amerikaly golfçy Dastin Jonson, fewral aýynda iki gezek dünýä rekordyny täzelän şwesiýaly böküji Arman Dýuplantis, "Lion" zenanlar klubunyň kapitany we topar bilen ýedinji gezek aýallaryň Çempionlar ligasynda ýeňiji bolan fransuz futbolçysy Wendi Renard, şeýle hem ýeňil agramda dört sany dünýä çempiony diýen titulyny iki gezek goran irlandiýaly boksçy Keýti Teýlor dalaşgärlik edýär.
Ses bermek 15-nji dekabra çenli dowam eder we baýraklar 20-nji dekabrda BBC Sports Personality şüweleňinde göni ýaýlymda gowşurylar.
BBC-niň "Ýylyň daşary ýurtly sportçysy" baýragy 1960-njy ýyldan bäri ýylyň sporta iň köp goşant goşan iňlis däl türgenlerine her ýyl gowşurylyp gelinýär. 2019-njy ýylda baýraga Keniýaly ylgawçy Eliud Kipçog mynasyp boldy.