“Barselonanyň” hüjümçisi Lionel Messi Argentinanyň ýygyndy toparynyň ozalky oýunçysy Diego Maradonanyň hatyrasyna eden hereketi üçin jezalandyryldy. Bu barada russian.rt.com habar berýär.
Ispaniýanyň Patyşalyk futbol federasiýasynyň ýaryşlary geçirmek boýunça komiteti Düzgün-nyzam kodeksiniň 91-nji maddasyny bozandygy üçin Messä 600 ýewro, kataloniýalylara bolsa 350 ýewro möçberinde jerime saldy.
Ýagny, gol girizenden soň, Messi klub futbolkasyny çykardy, onuň aşagynda “Nýuells Old Boýz” klubynyň arkasynda 10-lyk belgisi bolan formasy bardy. Messi bilen Maradonanyň ikisi-de bu klubda oýnady, şonuň üçin hüjümçi watandaşynyň hatyrasyna hormat goýmak isledi. Duşuşygyň emini Mateu Laos Messä düzgüni bozandygy üçin sary duýduryş görkezdi.
Klub jeza barada şikaýat etmegi meýilleşdirýär. Messiniň hereketleri Ispaniýanyň çempionatynyň düzgünlerini bozdy. Düzgünler maksatlara garamazdan, islendik ýazgylary, suratlary ýa-da şygarlary görkezmegi gadagan edýär.
Ýatlap geçsek, Maradona 25-nji noýabrda 60 ýaşynda aradan çykdy. Ölümiň sebäbi ýürek ýetmezçiligi sebäpli dörän ýiti öýken çişi boldy.
