Çempionlar ligasynyň toparçalaýyn tapgyrynyň 4-nji aýlawynda "Barselona" Kiýewiň "Dinamosyny" ýeňdi. Duşuşykda katalonlylar 4:0 hasabynda ýeňiş gazandylar.
Çempionlar ligasynyň bu oýnuna "Barselonanyň" 2011-nji ýylyň 6-njy dekabryndan bäri iň ýaş başlangyç düzüm bilen çykandygy habar berildi. Kiýewliler bilen bolan oýunda toparyň ortaça ýaşy 24 ýaş 206 gün boldy.
Kiýewiň "Dinamosy" bilen bolan oýun üçin "Barselonanyň" başlangyç düzümi şeýledi: Ter Ştegen, Firpo, Dest, Langle, Mingesa, Alenýa, Koutinýo, Pedri, Pýaniç, Trinkau, Breýtweýt.
"Barselona" heniz ýaryşyň toparçalaýyn tapgyrynyň gutarmagyna iki aýlaw galanda, Çempionlar ligasynyň pleý-off tapgyryna çykmagyny kepillendirdi. Topar toparçalaýyn tapgyrdaky bolan oýunlaryň ählisinde hem ýeňiş gazandy.