Türkiýe Google-a 25,6 mln dollar jerime saldy

  • 15.11.2020 17:51
  • 15k+

Türk häkimiýetleri Google amerikan kompaniýasyna “umumy gözleg bazarynda agdyklyk ediji ornundan hyýanatçylykly peýdalanandygy üçin” 25,6 mln dollar jerime salmak kararyna geldi. Bu barada “Sabah” neşirine salgylanyp, iz.ru belläp geçýär.

Degişli karar Türkiýäniň monopoliýa garşy edarasy tarapyndan kabul edildi.
Hünärmenleriň maglumatlaryna görä, kompaniýa elektron söwda bazary üçin mahabat girdejisini getirmeýän “düşnüksiz we güýçli mahabat hili” bilen tekst bildirişlerini ýerleşdirdi. Şeýlelik bilen, gözleg ulgamy beýleki gözleg netijeleri almagy kynlaşdyrdy.
Ozal Google LLC kompaniýasy Russiýanyň kazyýetine Russiýada gadagan edilen mazmunyň gözleg ulgamynda pes hilli barlagy üçin 1,5 mln rubl möçberinde jerime tölenendigini habar berdi.
Oktýabr aýynda ABŞ-nyň Adalat ministrliginiň Google kompaniýasyny monopolizmde aýyplap, oňa garşy kazyýet işini açandygy belli boldy. Sentýabr aýynda Google-iň Fransiýada salgyt tölemezlik bilen bagly iş boýunça tas 1 mlrd ýewro tölejekdigi habar berildi.
2018-nji ýylyň iýul aýynda Ýewropa komissiýasy Google kompaniýasyna “ÝB-niň monopoliýa garşy düzgünlerini bozandygy” we Android-gurluşlaryny öndürijilere hem-de mobil aragatnaşyk operatorlaryna “bikanun çäklendirmeleri” üçin 4,34 mlrd ýewro möçberinde jerime saldy.

düýn 21:14
1.2k+

Apple 14 ýylda ilkinji gezek smartfon üpjünçiligi boýunça Samsung-dan öňe geçer

Apple şu ýyl 2011-nji ýyldan bäri ilkinji gezek ýyllyk smartfon üpjünçiligi boýunça Samsung-dan öňe geçip biler. Bu barada Counterpoint Research kompaniýasynyň çaklamasyna salgylanyp, CNBC habar berýär. Analitikler şeýle ösüşi iPhone 17 hatarynyň üstünlikli bolmagy we pandemiýadan soň smartfonlaryň işjeň ýagdaýda täzelenmegi bilen baglanyşdyrýar...

28.11.2025 11:00
1.6k+

HP-de 6000 işgär emeli aňyň ornaşdyrylmagy sebäpli işini ýitirer

HP kompaniýasy işleri has netijeli etmek we emeli aňy ornaşdyrmak boýunça meýilnamanyň çäklerinde 2028-nji maliýe ýylyna çenli tutuş dünýä boýunça 4000-den 6000-e çenli iş ornuny azaltmagy meýilleşdirýär. Bu barada kompaniýanyň habarynda aýdylýar...

27.11.2025 23:29
2.3k+

LG Electronics ýolbaşçy düzüminiň üýtgeşmelerini yglan etdi

Günorta Koreýanyň LG Electronics kompaniýasy ýolbaşçy düzüminde uly üýtgeşmeleriň bolandygyny, şol sanda täze baş direktoryň bellenendigini mälim etdi. 1-nji dekabrdan başlap, bu wezipäni häzirki wagtda LG-niň Öý Tehnikasy we Çözgütleri bölümine ýolbaşçylyk edýän hem-de kompaniýanyň maglumatyna görä, amallaryň durnukly ösüşine ýeten Rýu Çže-çhol eýelär...

27.11.2025 23:20
5.7k+

Google-yň egindeş esaslandyryjysy Sergeý Brin dünýäniň iň baý adamlarynyň üçlügine girdi

Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi. Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi...