Afrikanyň we Ýakyn Gündogaryň dokuzdan gowrak ýurdy köpçülikleýin açlyk howp astyna düşdüler diýip, BMG-niň Baş Assambleýasynyň saýtynda habar berilýär. Muny vm.ru belläp geçýär.
Dawa-jenjeller, ykdysady kynçylyklar, adatdan daşary howa şertleri we koronawirus pandemiýasy ýüzlerçe müň adam üçin azyk önümlerine elýeterliligi çäklendirýär.
- Dünýäde durnuksyzlyk ösýär. 16 töweregi sebite açlyk meselesi howp salýar, olardan Burkina-Faso sebiti, demirgazyk-gündogar Nigeriýa, Günorta Sudan, Ýemen has “gyzgyn nokatlardyr” – diýip, BMG-niň hünärmenleri habar berýärler.
COVID-19 pandemiýasy sebäpli ýagdaý has ýaramazlaşýar. Adamlara iýmit önümleri gerek. Azyk önümleriniň bahasy, şeýle-de howa şertleri ýagdaýyň geljekki ösüşini kesgitlär diýip, gurama hasaplaýar.
Öň, Bütindünýä Azyk maksatnamasynyň ýolbaşçysy Dewid Bisli COVID-19 pandemiýasynyň täsirini gowşatmak üçin ynsanperwer işleri amal etmäge geljek 6 aýyň dowamynda 5 mlrd dollary bölüp bermegiň gerekdigini habar berdi. Ol milliarderleri we kompaniýalary 2020-nji ýylda tutuş dünýä boýunça açlykdan ýogalmak howpunyň astynda bolan 30 mln töweregi adamy halas etmek üçin kömek etmäge çagyrdy.
