"Barselona" ispan çempionatynyň 9-njy tapgyrynda "Betisden" üstün çykdy. Barselona şäherindäki “Kamp Nou” stadionynda geçen bu duşuşyk 5:2 hasabynda gök-narynçlaryň ýeňşi bilen tamamlandy.
"Barsa" hasaby Usman Dembeläniň goly bilen 22-nji minutda açdy. 33-nji minutda Antuan Grizmann jerime urgusyny dürs ýerine ýetirip bilmedi. Arnaldo Antonio Sanabria birinji ýarymyň ahyrynda hasaby deňlän hem bolsa, Grizmann ikinji ýarymyň başynda "Barselonany" ýene öňe saýlady.
61-nji minutda Lionel Messi 11 metrlik jerime urgusyny dürs ýerine ýetirip, hasaby 3:1-e ýetirdi. "Betis" 73-nji minutda ýene bir pökgi geçirdi, ýöne oýnuň ahyrynda Messiniň dubly hem-de Pedriniň goşmaça wagtdaky goly oýnuň soňuna nokat goýdy.
“Barselona” 11 utuk bilen Ispaniýanyň çempionatynda sekizinji orna çykdy. "Betis" (12) - ýedinji ýerde. Sanawyň başyny bolsa häzirlikçe “Real Sosýedad” çekip barýar.
