Russiýa Federasiýasynyň Döwlet Dumasynyň orunbasary Gadžimurad Omarow UFC-niň çempiony Habib Nurmagomedowa Russiýanyň Gahrymany diýen ady bermegi teklip etdi. Bu barada onuň Russiýanyň Prezidenti Wladimir Putine iberen hatynda aýdylýar diýip, live24.ru habar berýär.
Resminamada Nurmagomedowyň öz adyny Russiýanyň taryhyna ýazandygy we özüniň mysalynda islendik zähmetkeş adamyň ägirt belentliklere ýetip biljekdigini görkezendigi aýdylýar.
"Habib ýaly ýigitler ýaş nesil üçin mynasyp görelde bolup durýar, sebäbi her nesliň öz göreldesi bolmaly!" - diýip, Omarow aýdýar.
Habib Nurmagomedow 24-nji oktýabrda UFC ýaryşynda amerikaly Jastin Getjini ýeňdi we ýeňil agramda çempionlyk guşagyny gorady. Söweşden soň bolsa ol karýerasyny tamamlaýandygyny yglan etdi. Nurmagomedow karýerasynyň dowamynda 29 oýunda 29 ýeňiş gazanyp, aňrybaş netijäni görkezdi.