Türkmenistan Tatarystanda galan raýatlaryny alyp gaýtdy

  • 29.10.2020 16:23
  • 11k+

“Türkmenistan” awiakompaniýasy Türkmenabatdan Kazana we ondan yzyna çarter uçuşyny gurady. Uçar koronawirus pandemiýasy sebäpli Tatarystan Respublikasynda galan türkmen raýatlaryny getirdi.

T5738 belgili gatnaw bilen Boeing-777-200LR uzak aralyga uçar koronawirus pandemiýasy sebäpli awiagatnawlar bes edilenden soň, Russiýanyň bu sebitinde galmaga mejbur bolan 200-den gowrak raýaty getirdi.
Şeýle-de, agzalan gatnaw bilen islendik adam 45 kilogramdan gowrak agramda ýük iberip bildi diýip, “Türkmenistan” awiakompaniýasynyň Russiýadaky wekilhanasynyň resmi saýty habar berdi.
Raýatlarymyzy Watanymyza tapgyrlaýyn getirilmek işi hormatly Prezidentimiz Gurbanguly Berdimuhamedowyň tabşyrygy boýunça amala aşyrylýar.
Bütindünýä saglygy goraýyş guramasynyň (BSGG) talaplaryna laýyklykda, çarter uçuşy arkaly Russiýadan gelen Türkmenistanyň ähli raýatlary hökmany iki hepdelik karantin geçerler.
Öň, Türkmenistanyň hökümeti Türkiýeden, Russiýadan, Belarus Respublikasyndan, Ukrainadan, Özbegistandan, Hindistandan, Gazagystandan we Ýewropa Bileleşiginiň ýurtlaryndan raýatlarynyň getirilmegini gurady.

25.11.2025 17:22
3.6k+

Hytaý taryhynda ilkinji halas ediş kosmos missiýasyny uçurdy

2025-nji ýylyň 25-nji noýabrynda ýerli wagt boýunça 12:11-de (Aşgabat wagty bilen 09:11) Hytaý gyssagly ýagdaýda “Şençžou-22” kosmos gämisiniň “Týangun” orbital stansiýasyna uçuşyny amala aşyrdy. Gämi “Çançžen-2F” raketasynda Szýusýuan kosmodromyndan ekipažsyz uçup, orbita üstünlikli çykdy...

25.11.2025 12:46
17k+

Hindi kinosynyň iň meşhur aktýorlarynyň biri Dharmendra aradan çykdy

Mumbaýda 89 ýaşynda Bolliwud kinosynyň ýyldyzy Dharmendra (doly ady – Dharmendra Kewal Krişan Deol) aradan çykdy. Bu barada Variety neşiri habar berýär. Dharmendra hindi kinosynyň iň esasy şahsyýetleriniň biridi...

21.11.2025 23:45
5.8k+

Uelsdäki muzeýden bürünç asyrynyň altyn şaý-sepleri ogurlandy

Uelsiň paýtagty Kardiff şäherindäki muzeýden bürünç asyrynyň altyn şaý-sepleri ogurlandy. Bu barada ýerli polisiýa salgylanyp, Telegraph gazeti habar berdi. Gazetiň maglumatlaryna görä, bürünç asyrynyň birnäçe özboluşly predmetleri Keramatly Fagan galasynyň çägindäki Milli taryh muzeýiniň baş edarasyndaky witrinadan ogurlandy...

20.11.2025 18:49
6.3k+

NASA 3I/ATLAS kometasynyň Ýere howp salmaýandygyny aýdyp, onuň emeli gelip çykyşyny ret etdi

3I/ATLAS kometasy Gün ulgamyndan daşary ýerden geldi diýip, brifingde NASA-nyň ýolbaşçysynyň orunbasary Amit Kşatriýa habar berdi. Agentligiň esasy ylmy işgäri Tom Stetler kometanyň Gün ulgamyndan ep-esli gadymy bolan ýyldyz ulgamynda emele gelip bilendigini aýdýar...