Žerar Pike "Barselonanyň" täze stadionyna Messiniň adyny dakmagy teklip etdi

Žerar Pike "Barselonanyň" täze stadionyna Messiniň adyny dakmagy teklip etdi

"Barselonanyň" oýunçysy Žerar Pike klubuň täze stadionyna Lionel Messiniň adyny dakmaly diýip hasap edýär. Bu barada sport.ru habar berýär.

“Täze stadiona onuň (Messiniň - Red.) adyny dakmaly. Biz öz rowaýaty oýunçylarymyzy ynamdan gaçyrmaly däl-de, olara hormat goýmalydyrys"-diýip, Pike hüjümçiniň klubuň üstünliklerine goşan goşandyna ýokary baha berdi.

Bilşimiz ýaly, argentinaly futbolçy 2003-nji ýyldan bäri "Barselonanyň" reňklerini gorap gelýär. Geçen möwsümiň ahyrynda 33 ýaşly Messi topardan gitmek isleýändigini mälim edipdi. Klubuň ýolbaşçylary Messiniň bellenen mukdarda 700 million ýewro öwez tölegi bolan hakyky şertnamasynyň bardygyny aýdyp, oňa rugsat bermediler.
Messi gök-narynçlaryň öz ýetişdiren oýunçysy. Hüjümçi "Barselona" üçin jemi 736 oýun oýnap, 636 gol geçirdi we 280 gol pasyny berdi.