“Barselona” geçen möwsümi 97 mln ýewro ýitgi bilen tamamlady

“Barselona” geçen möwsümi 97 mln ýewro ýitgi bilen tamamlady

“Barselona” 2019/20-maliýe ýylynyň jemi boýunça 97 million ýewro arassa ýitgi çekdi. Bu barada toparyň saýtyna salgylanyp, gazeta.ru habar berýär.

Habarda koronawirus pandemiýasynyň maliýe görkezijilerine güýçli täsir edendigi, pandemiýa sebäpli ýaryşlaryň ýatyrylandygy ýa-da yza süýşürilendigi bellenilýär. Ýeri gelende aýtsak, Ispaniýada janköýerlere stadionlara barmak heniz hem gadagan edilýär.
“Barselonanyň” bellenilen döwür boýunça umumy girdejisi 855 million ýewro, çykdajysy 955 million ýewro barabar boldy. Klub başda meýilleşdirilen çykdajylary 7% azaltdy. 2018/19-möwsümi bilen deňeşdirilende, girdeji 135 mln ýewro, çykdajylar 18 mln ýewro azaldy. 2018/19-möwsüminde “gök-gyzyllar” 5 million ýewro möçberinde arassa girdeji gazandylar.
“Barselonanyň” 2020/21-möwsümi üçin heniz tassyklanylmaly býujeti, takmynan, 791 million ýewro barabar bolar.