Garyşyk stiliň russiýaly söweşijisi Habib Nurmagomedow bazar nukdaýnazaryndan iň özüne çekiji türgenleriň sanawynda 7-nji ýeri eýeledi. Bu barada news.sportbox.ru habar berýär.
“SportsPro” gullugy her ýyl öz usulyýeti esasynda iň "geçginli" 50 sportçynyň sanawyny düzýär. Her türgeniň üstünligine onuň häzirki gazananlary, muşdaklarynyň köplügi, köpçüligiň pikiri we girdejisi täsir edýär. Bu faktorlaryň jemi umumy baly emele getirýär.
Sanawda birinji ýeri 115 utuk bilen Argentinanyň we "Barselonanyň" hüjümçisi Lionel Messi eýeledi. Ikinji orunda Kriştianu Ronaldu (113), üçünjide Lebron Jeýms (110) bar. Bulardan soň hindi kriketeri Wirat Koli (109), kanadaly tennisçi Bianka Andreesku (107) we braziliýaly futbolçy Neýmar (107) gelýär.
32 ýaşly Nurmagomedow 106 bal toplady. Ol ilkinji onluga girip, ýene bir hindi kriketeri Rohit Şarmadan we futbolçylar Muhammet Salah bilen Paulo Dibaladan öňe geçdi.
Ýeri gelende ýatlasak, “SportsPro” bu reýtingi 2011-nji ýyldan bäri ýöredip gelýär.
