Londonyň "Arsenaly" Angliýanyň Super kubogy ugrundaky oýunda "Liwerpuly" penalti seriýasynda ýeňmegi başardy.
Duşuşyk boş tribunaly "Wembli" stadionynda geçirildi.
Duşuşygyň esasy wagty 1:1 hasabynda tamamlandy, pökgüleri “Arsenaldan” Pýer-Emerik Obameýang (12-nji minutda), "Liwerpuldan" bolsa Takumi Minamino (73-nji minutda) geçirdiler.
Pandemiýa sebäpli täzelenen düzgünlere laýyklykda, 15 minutlyk goşmaça iki ýarym bellenmedi. 11 metrlik jerime urgularyny bolsa “Arsenalyň” oýunçylary has takyk ýerine ýetirdiler - 5:4.
“Arsenal” Super kubok oýnuna geçen möwsümde Angliýanyň kubogynyň ýeňijisi hökmünde gatnaşdy. “Liwerpul” 2019/20 möwsüminde otuz ýylda ilkinji gezek iňlis çempionatynda ýeňiji boldy.
“Arsenal” 16-njy gezek Angliýanyň Super kubogynda ýeňip, ýaryşda ýeňişleriň sany boýunça “Mançester Ýunaýted” bilen deňleşdi. “Liwerpul” kubogy häzire çenli 15 gezek aldy we bu gezekki ýeňliş bilen Ýurgen Kloppyň şägirtleri yzly-yzyna eýýäm ikinji ýyl Super kubogy elden gidirdi. 2019-njy ýylda “Liwerpul” "Mançester Sitiden" hem hut şeýle hasap bilen ýeňlipdi (esasy wagt: 1-1, penaltiler seriýasy: 4-5).
Iňlis çempionatynda täze möwsüm 12-nji sentýabrda başlanar.
