«Barselona» ispan futbol kluby argentinaly oýunçysy Lionel Messiden topardan gitmek isleýändigi barada arza alandygyny tassyklady. Bu barada klubdaky çeşmä salgylanmak bilen Reuters agentligi habar berýär. Muny ТАSS ýetirýär.
Öň, Ispaniýada we Argentinada KHBS Messiniň klubdan gitmek isleýändigi barada habar berendigini ýazdylar. Futbolçynyň şertnamada onuň birtaraplaýyn ýagdaýda topardan islendik möwsümiň ahyrynda gidip bilýändigi baradaky punktdan peýdalanmakçydygy bellenildi.
Messi 33 ýaşynda, onuň «Barselona» bilen şertnamasynyň möhleti 2021-nji ýylyň tomsunda tamamlanýar.
Messi «Barselonanyň» ýetişdiren oýunçysy, ol esasy düzüm üçin ilkinji gezek 2004-nji ýylda çykyş etdi. 30-njy iýunda Ispaniýanyň çempionatynyň Madridiň «Atletikosyna» garşy duşuşygynda (2:2) Messi karýerasynda özüniň 700-nji pökgüsini geçirdi (630 gol «Barselona» üçin, 70 – Argentinanyň milli ýygyndy topary üçin). 2019-njy ýylyň dekabrynda «France Football» žurnalynyň wersiýasy boýunça ýylyň iň gowy futbolçysynyň baýragyna — «Altyn topa» eýe boldy. Onuň hasabynda şeýle baýragyň altysy bar.