«Barselonanyň» ýakynda satyn alan bosniýaly ýarym goragçysy Miralem Pýaniçiň koronawirus barlagy položitel bolup çykdy. Mundan ozal futbolçy ysgynsyzlyk duýýardy diýlip, klubyň resmi saýtynda aýdylýar. Bu barada eurosport.ru habar berýär.
Oýunçy 15 günden bärde topara goşulyp bilmez, şol sebäpli-de toparyň 30-njy awgustda başlajak esasy türgenleşigini sypdyrar.
Häzirki wagtda 30 ýaşly futbolçy özüňi üzňe saklamagyň talaplaryny berjaý edýär. Şeýle hem onuň ýagdaýyna gowy diýlip bahalandyrylýar.
Katalon kluby Pýaniçi şu ýylyň iýun aýynda Turiniň «Ýuwentusyndan» 60 million ýewro satyn alandygyny ýatladýarys.
Mundan öň, «Barselonada» goragçylar Samuel Umtitide we Žan-Kler Todiboda koronawirus ýokanjy ýüze çykarylypdy.