Mýunheniň «Bawariýasynyň» futbolçylary UEFA Çempionlar ligasynyň ýarym final tapgyrynda «Lion» fransuz klubyny 3:0 hasabynda ýeňdi.
Nemes klubynyň düzüminde duşuşygyň eýýäm birinji ýarymynda Serž Gnabri dubl bilen tapawutlandy. Duşuşyk tamamlanyp gelýärkä bolsa, Robert Lewandowskiý hasaby 3:0 etdi. Duşuşyk Lissabonda geçirildi.
23-nji awgustda final tapgyrynda «Bawariýa» ýene-de bir fransuz kluby — «Pari Sen-Žermen» bilen duşuşar.
«Bawariýa» öz taryhynda Çempionlar ligasynyň finalyna bäş gezek çykmagy başardy (Çempionlar kubogyny hem hasaba alanyňda) we bäş gezegem ýeňiji boldy. «Pari Sen-Žermen» bolsa Ýewropanyň esasy klublaýyn ýaryşynyň final tapgyryna ilkinji gezek çykdy.
Ýatladyp geçsek, ýazda futbol möwsüminiň arasyny bölen koronawirus pandemiýasy zerarly Çempionlar ligasynyň çärýek final tapgyryndan başlap, duşuşyklar «Sekizleriň finaly» formatynda Portugaliýada geçirilýär. Munda klublar diňe bir duşuşygyň netijesi boýunça ýeňijini kesgitleýärler.