«Ýuwentusyň» futbolçysy Kriştiano Ronaldunyň agenti Jorj Mendeş birnäçe klublara, şol sanda "Barselona" öz müşderisiniň hyzmatlaryny teklip etdi diýip, sport.es žurnalist Gilýem Balagä salgylanýar. Bu barada RIA Nowosti habar berýär.
Balage BBC radiosynda çykyş edip, Mendeşiň indiki möwsümde Ronaldu bilen şertnama baglaşmaga taýýardyklaryny ýa-da ýokdugyny anyklamak üçin dürli klublar bilen habarlaşandygyny, sebäbi Ronaldunyň karýerasynda täze teklipleri kabul etmek isleginiň bardygyny aýtdy. Mendeşiň teklibini alan toparlaryň hatarynda "Barselona", "PSŽ" we Demirgazyk Amerikanyň birnäçe kluby bar.
Žurnalistiň pikiriçe, bäş gezek “Altyn topa” mynasyp bolan 35 ýaşly oýunçy üçin täze klub tapmagyň esasy meselesi, onuň ýylda 23 million ýewro barabar bolan ýokary aýlygydyr.
"Häzirki wagtda oňa beýle köp tölemäge taýýar klub barmyka, bilmedim" diýip, Balage belleýär.
Ronaldu 2003-nji ýyldan 2009-njy ýyla çenli "Mançester Ýunaýtedde" oýnady, 2009-njy ýyldan 2018-nji ýyla çenli Madridiň "Realynyň" abraýyny gorady. 2018-nji ýyldan bäri bolsa ol "Ýuwentusda" çykyş edýär. Onuň Turiniň kluby bilen baglaşan şertnamasy 2022-nji ýylyň 30-njy iýunyna çenli hereket edýär.