Türkmenistan BSG synçy derejesini ykdysadyýetiň iň bäsdeşlige ukyply pudaklaryny, hususan-da, ýangyç-energetika pudaklaryny ösdürmek üçin ulanýar. Bu pikiri syýasat ylymlarynyň doktory, Russiýa Ylymlar akademiýasynyň Dünýä ykdysadyýeti we halkara gatnaşyklary institutynyň (IMEMO RAS) Merkezi Aziýa sektorynyň başlygy Dina Malyşewa Trend azerbaýjan agentligine aýtdy.
Onuň pikiriçe, Türkmenistan Bütindünýä söwda guramasyna girmek bilen, bu gurama gatnaşmagyň ýurduň ykdysadyýetine daşary söwdadaky ornuny berkitmäge we daşary ýurt maýa goýumlaryny çekmegi ýeňilleşdirmäge ýardam eder diýip bil baglaýar.
Ýadymyzda bolsa, Türkmenistan 2020-nji ýylyň 22-nji iýulynda Ženewada geçirilen maslahatda BSG synçy derejesini alypdy. Bilermenleriň birnäçesi Aşgabadyň ýakyn wagtda Bütindünýä söwda guramasyna doly derejede gatnaşmak üçin tagalla etjekdigine ynanýar.
