Hytaýda AG600 adyny alan dünýäde iň uly gidrouçary synagdan geçirdiler. Howa gämisi deňziň üstündäki birinji gatnawyny üstünlikli tamamlady. Bu barada actualnews.org habar berýär.
Uçar-amfibiýanyň birinji ekzemplýarynyň synaglary Sindao sebitinde geçdi. Howada gämi 30 minutdan gowrak wagt saklandy.
AG600 synagdan 2017-nji ýylyň dekabryndan bäri geçýär, suwdan ilkinji uçuş 2018-nji ýylyň oktýabrynda Hubeý welaýatynda Szinmen howdanynda geçirildi. Synag uçuşynyň meýilnamasy deňziň üstünden uçuşy, pilotažy we gonalga gonuşy öz içine aldy. Deňiz synaglarynyň maksady uçaryň açyk deňiz üçin häsiýetli bolan tolkun ýa-da ýel şertlerinde uçup hem-de gonup bilmek ukybyny, şeýle-de onuň gurluşynyň hem-de enjamlarynyň duzly suwuň täsirine durnuklylygyny barlamakdan ybarat.
Uçary öndürijiniň häzirki wagtda şeýle ulaga 17 sargydy bar. Uçar ada bazalaryna ýükleri we halas ediji işleri eltmeklige niýetlenilen. Ol ýangyny öçürmek üçin hem ulanylyp bilinýär, uçar 4000 kwadrat metre çenli meýdanly oduň merkezine 12 tonna çenli suwy taşlap bilýär. AG600 uçaryň ýolagçy sygymy 50 orna barabar.
53,5 tonna uçuş agramly, uzynlygy 37 töweregi we ganatlarynyň gerimi 39 metr töweregi bolan AG600 öň uçan A-40 “Albatros” sowet we H-4 Hercules amerikan uçujy ulaglaryndan öňe geçmeýändigine garamazdan, häzirki günde ulanylýan uçarlaryň arasynda dünýäde iň uly gidrouçar hasaplanylýar.