Uly ýük göteriji ulag serişdeleriniň “Bakuwyň halkara deňiz söwda porty” ÝGPJ arkaly geçirilmegi şu ýylyň 6 aýynda 14,4%, ýagny 17 173-e çenli ýokarlandy. Bu barada Baku portuna salgylanmak bilen azerbaýjan KHBS-i habar berýär.
“Olardan 11 776 sanysy (68,6%) Baku — Türkmenbaşy — Baku ugry boýunça, 5 397 sanysy (31,4%) Baku — Kuryk — Baku ugry boýunça iberildi” diýlip, habarda bellenilýär.
KHBS “Bakuwyň halkara deňiz söwda porty” ÝGPJ-niň ýük geçiriji göwrüminiň şu ýylyň 6 aýynyň içinde 2 mln 524,8 müň tonna barabar bolandygyny we onuň 2019-njy ýylyň degişli döwri (1 mln 981,2 müň tonna) bilen deňeşdirilende 27% köpdügini belleýärler.
Göni äkidilýän ýükleriň paýyna 2 mln 192,8 müň tonna ýa-da umumy ýük geçirijiligiň 87%-i degişli boldy. Gury ýükleriň geçirijiligi 5 esse ýokarlanyp, 401 müň tonna barabar boldy.
Eger-de ýükleri daşama pandemiýa garamazdan ýokarlansa, onda ýolagçy gatnawlary azalýar. Ýagny, Baku portunyň hyzmatlaryndan birinji ýarymýylyň içinde 13 776 ýolagçy peýdalandy, bu bolsa 2019-njy ýylyň degişli görkezijisinden 31% azdyr.
