Madiridiň “Realy” Kilian Mbappeni mugt transfer edip biljekdigine ynanýar. Bu barada metaratings.ru habar berýär.
Habara görä, fransuz futbolçy öz karýerasyny “PSŽ” toparynda dowam etdirmek islemeýär. Hüjümçi 2022-nji ýylda erkin agent statusyny alar. Fransuz futbolçy karýerasyny Madridiň “Real” klubunda dowam etdirmek isleýär. Transfer başa baran ýagdaýynda, Madridiň “Realy” topary oýunçynyň özüne aýratyn bonus hökmünde 100 million ýewro tölemeli bolar.
1-nji liganyň soňky netijelerine görä, Mbappe 20 oýunda 18 pökgi geçirip, iň köp tapawutlanan oýunçy boldy. Fransuz çempionatynda möwsüm koronawirus pandemiýasy sebäpli möhletinden öň tamamlandy we “PSŽ” çempion diýlip yglan edildi. Ýatlap geçsek, Mbappe Fransiýanyň üç gezek çempiony we iki gezek liganyň iň köp pökgi geçiren oýunçysy bolupdy. 2018 we 2019-njy ýyllarda bolsa hüjümçi ýurtda ýylyň futbolçysy diýlip ykrar edilipdi.
Madridiň “Realy” Mbappeni mugt alyp biler
- 08.07.2020 23:42
- 8k+
