Kim Çen Yn Demirgazyk Koreýada koronawirusyň ýok bolmagyny düşündirdi

  • 04.07.2020 16:01
  • 15k+
Kim Çen Yn Demirgazyk Koreýada koronawirusyň ýok bolmagyny düşündirdi

Demirgazyk Koreýa koronawirus ýokanjyny halkyň agzybirliginiň we Zähmet partiýasynyň MK-niň kömegi bilen ýurduň territoriýasyna gelmegine ýol bermezlik başartdy, diýip partiýanyň başlygy Kim Çen Yn aýdýar. Muny Merkezi telegraf agentligine salgylanmak bilen rbc.ru ýetirýär.
KHDR-nyň Döwlet geňeşiniň başlygy Kim Çen Yn Koreýanyň Zähmet partiýasynyň MK-niň syýasy edarasynyň giňeldilen mejlisine gatnaşyp, täze görnüşli koronawirusyň ýaýramagyna garşy hereket etmek boýunça çäreleri maslahatlaşmak bilen döwlete partiýanyň tagallalarynyň we halkyň hökümetiň ähli görkezmelerini doly derejede ýerine ýetirmeginiň kömegi bilen epidemiologik howpdan baş çykaryp bilendigini aýtdy.
Kim Çen Yn mejlisiň dowamynda tutuş dünýä boýunça ýurtlarda täze koronawirusyň ikinji ýaýrawynyň ýüze çykmagy bilen baglylykda “epidemiýa garşy uruşda hiç hili arkaýynlaşmazdan ýa-da gowşamazdan” hüşgärligi saklamagyň möhümdigini belledi.
Demirgazyk Koreýanyň hökümetiniň resmi maglumatlary boýunça, ýurtda koronawirus ýokanjy bilen kesellemegiň ýekeje ýagdaýy hem hasaba alynmady. Ýanwaryň ahyryndan bäri ýurtda keseliň ýaýrawyndan goranmak boýunça gyssagly çäreler kabul edildi, ýagny serhetler ýapyldy, mekdepleriň işi bes edildi we umumy milli karantin girizildi.

Antarktidanyň kenarýakalarynda ilkinji gezek akula göründi
düýn 21:38
4.8k+

Antarktidanyň kenarýakalarynda ilkinji gezek akula göründi

Awstraliýaly alymlar topary Antarktikanyň suwlarynda, Günorta Şetland adalarynyň golaýynda ilkinji gezek akulanyň bardygyny hasaba aldy. Bu barada Associated Press habarlar agentligi habar berýär. Günbatar Awstraliýa uniwersitetiniň professory Alan Jeýmison: «Biz ol ýerde akula göreris diýip garaşmandyk, sebäbi Antarktikada akulalar ýok diýen umumy kabul edilen ylmy garaýyş bardy» diýip belledi...

ABŞ-da lagymdan 185 kilogramlyk lamantin halas edildi
düýn 12:31
3.2k+

ABŞ-da lagymdan 185 kilogramlyk lamantin halas edildi

ABŞ-nyň Florida ştatyndaky Melburn-Biç kenarynyň golaýynda, siliň suwuny akdyrýan lagym ulgamynda gysylyp galan 185 kilogramlyk äpet lamantin tapyldy. New York Post neşiriniň habar bermegine görä, bu deňiz süýdemdirijisini Melburn-Biç kärhanasynyň bir işgäri görüp, derrew degişli gulluklara habar beripdir...

Fransiýada 36 gün bäri dynman ýagan ýagyş taryhy rekordy täzeledi
düýn 10:39
7.9k+

Fransiýada 36 gün bäri dynman ýagan ýagyş taryhy rekordy täzeledi

Fransiýada ýagynly günleriň dowamlylygy boýunça taryhy rekord hasaba alyndy. BFMTV teleýaýlymynyň habar bermegine görä, ýurtda 15-nji ýanwardan bäri, ýagny 36 günläp yzyny üzmän ýagyş ýagýar. Howanyň ýaramazlaşmagy bilen 17-nji fewralda dört sany departamentde sil gelme ähtimallygy zerarly iň ýokary — "gyzyl" derejeli howp yglan edildi...

Portugaliýada tupanlaryň ýetiren zyýany 5,5 milliard ýewrodan geçdi
18.02.2026 23:24
6.2k+

Portugaliýada tupanlaryň ýetiren zyýany 5,5 milliard ýewrodan geçdi

Portugaliýanyň hökümetiniň we senagat guramalarynyň berýän deslapky maglumatlaryna görä, ýanwar-fewral aýlarynda ýurda inen tupanlaryň ýetiren umumy maddy zyýany 5,5 milliard ýewrodan aşdy. Iň uly ýitgiler döwlet we şahsy emläklere degişli bolup, olaryň möçberi 4,5 milliard ýewrodan gowrak diýlip kesgitlenilýär...