“Barselona” Ispaniýanyň çempionatynyň galan oýnuny “Kamp Nou” stadionynda geçirer. Bu barada Mundo Deportivo neşirine salgylanmak bilen gazeta.ru habar berýär.
Çeşmäniň maglumatlary boýunça, klublaryň kapitanlaryndan, ýagny Lionel Messiden, Žerar Pikeden, Serji Busketsden we Serji Robertodan ybarat geňeş möwsümi alty müňlük adamly “Ýohan Kroýff” stadionynda tamamlamaklyga garşy çykdy.
Futbolistler meýdançadaky tribunalarda tomaşaçylar bolmasa-da, 100 müň tomaşaçy sygýan “Kamp Nou” stadionyny oýunlary geçirmek üçin iň laýyk gelýän ýer diýip bellediler.
Gök-gyzyllaryň ýolbaşçylygy ýagdaýy ykdysady analizden geçirdi we oýunlary “Kamp Nou” bilen “Ýohan Kroýff” stadionlarynda geçirmekde çykýan çykdajyda üýtgeşik tapawut ýok diýen netijä geldi. Şonuň üçin “Barselonanyň” öz meýdançalaryndaky oýunlaryny “Kamp Nou” stadionynda geçirmek kararyna gelindi.
Belläp geçsek, häzirki wagtda La Ligada 2019/20 möwsümiň dikeldilmeginiň iň ähtibarly senesi 12-nji iýun diýlip bellenildi, ätiýaç senesi bolsa 19-njy iýun.
“Barselona” Ispaniýanyň çempionatynyň galan oýnuny “Kamp Nouda” geçirer
- 20.05.2020 23:13
- 5.6k+
