«Barselona» ýarym goragçy Filippe Koutinýony satmak bilen bagly mümkinçilikleri gözden geçirýär. Bu barada «Mundo Deportivo» sport gazeti habar berýär.
Çeşmäniň maglumatlaryna görä, katalon klubynyň ýolbaşçylary futbolçynyň nyrhy € 100 mln-a ýetse, bazarda oňa isleg bildirjegiň bolmajakdygyna düşünýär. Koutinýonyň häzirki wagtda çykyş edýän Mýunhen «Bawariýasy» hawbeki «Barselonadan» satyn almagy we oýunça ýylda € 8 mln tölemegi meýilleşdirmeýär.
Muňa garamazdan, «Barselona» kluba € 80-90 mln möçberde teklip gelse, futbolçydan aýrylmaga razy. Ýöne Filippeniň häzirki ýagdaýyny göz öňünde tutsaň, muny etmek ýeňil düşmez.
Şu möwsümde Filippe Koutinýo Germaniýanyň çempionatynda 18 oýna gatnaşdy. Braziliýaly hawbek alty goly bilen tapawutlandy we Bundesligada pökgini alty gezek netijeli geçirmegi başardy.