Kanadaly estrada aýdymçysy Jastin Biber Mumbaýda hindi milliarderi Mukeş Ambaniniň körpe ogly Anant Ambaniniň toýdan öňki oturylyşygynda çykyş etdi.
Hindi metbugatynyň berýän habaryna görä, aýdymçynyň çykyşynyň haky 10 million dollar bolup, Riannanyň mart aýynda Ambaniniň öňki toý dabarasynda eden çykyşy üçin alan hakyndan köp boldy.
Biber sangit dabarasynda – iki guda tarapyndan ýigit bilen gelniň şanyna guralýan tomaşa däbiniň dabarasynda çykyş etdi. Bu dabaranyň esasy çäresi - gelindir ýigit tarapdan gelenleriň arasyndaky tans bäsleşigi hasaplanýar.
Aýdymçy “Çaga”(“Baby”), “Özüňi söý” (“Love Yourself”), “Bagyşlaň” (“Sorry”), “Näme diýmek isleýärsiň?” (“What Do You Mean?”) we "Häzir Ü nirede?" (“Where Are Ü Now”) ýaly birnäçe hitlerini ýerine ýetirdi. Ol Hindistana eden saparyny özüniň Instagram sahypasynda gyzgalaňly beýan etdi.
Reliance Anil Dhirubhai Ambani Group kompaniýasynyň eýesi Mukeş Ambani Hindistanda we Aziýada iň baý adam hasaplanýar. Onuň baýlygy 120,9 milliard dollar diýlip çaklanylýar, onuň iň kiçi mirasdüşeri Anant Ambani milliarder Şri Wiren Merçantyň gyzy Radhika Merçant bilen durmuş gurýar. Toý 12-nji iýulda bolar.
