Jaguar ösüşiniň täze tapgyryny yglan etdi. Bu söwda markasy kompaniýanyň modernizme geçýändigini we brendiň täzeden gözden geçirilýändigini aňladýan täze aýdentikasyny resmi taýdan görkezdi. Hususan-da, kompaniýa adynyň gysby ýazylyşyna ünsi jemläp, logotipdäki uly pişigiň şekilini aýyrdy.
Täze wizual düşünjäniň esasy simmetrik we tegelek stilde ýasalan lakoniki nyşanlardy. Awtoulaglarda ulanmak üçin ykjam logotip döredildi, bu ýerde adyň birinji we soňky harplary - j we r biri-birinden ýüzüni sowýan şekilde ýasaldy.
Kompaniýa brendiň täze şygarynyň - Copy Nothing (“Hiç zady göçürme”) - markanyň esaslandyryjysy William Laýons tarapyndan döredilen ussatlyk we özboluşlylyk ruhuny görkezýändigini nygtaýar. Jaguar-yň täze stili häzirki zaman sungatyna gönükdirilendir we “oýlap tapyşy, çeperçiligi we batyrlygy” aňlatmaga niýetlenendir.
Ulagyň täzelenen keşbi ilkinji gezek Maýami sungat hepdeliginiň çäginde hödürlener. Şol ýerde täze awtoulag modeli düşünjesiniň görkezilmegine garaşylýar. Ilkinji görkezilişde ýaş suratkeşleriň ençeme innowasiýa installýasiýalary bolar.
Mundan ozal surat içalylary markanyň ösüşinde täze tapgyryň başyny başlajak elektrik modeliniň synag prototipini ýazga aldylar. Olarda awtoulag uly sedana meňzeýär, ýöne hünärmenler prototipiň daşky görnüşi goşmaça ýalan paneller bilen gizlenip biler öýdýärler.
